Hei fannt dir Äntwerten op oft gestalte Froen.

lescht News

Wat sinn déi genau Fluchnummeren vun den Vol’en?

IST ouni Norees

Aller Asiana Airlines Vol OZ542 

départ Frankfurt 28.7. um 18:40, Arrivée Seoul 29.7. um 13:15

Rdv 28.7. Senningerbierg Charlys Statioun 12:00

 

Retour Asiana Airlines Vol OZ451

Départ 12.8. um 9:40 zu Seoul, arrivée Frankfurt 12.8. um 16:30

Erwaarten arrivée zu Lëtzebuerg 12.8 géint . 20:30 um  P&R Bouillon Luxembourg-Hollerich

 

IST mat Norees

Aller Lufthansa Vol LH2317 & LH718 (via Munich)

départ Luxembourg 28.7. um 10:05, arrivée Seoul 29.7. um 09:55

Rdv 28.7. Findel 8:00

 

Retour Lufthansa Vol LH713 & LH398 (via Frankfurt)

Départ 18.8. um 12:20 Seoul, arrivée Luxembourg 18.8. um 22:50

Erwaarten Arrivée 18.8. um 23:30 Findel

 

Participants & Chefs ouni Norees

Aller Asiana Airlines Vol OZ542

Départ Frankfurt 31.7. 18:30, Arrivée Seoul 1.8. um 13:15

Rdv 31.7. P&R Bouillon Luxembourg-Hollerich 8:00

 

Retour Asiana Airlines Vol OZ451 

Départ 12.8. um 9:40 Seoul, arrivée Frankfurt 12.8. um 16:30

Erwaarten Arrivée zu Lëtzebuerg 12.8. géint 20:30 P&R Bouillon Luxembourg-Hollerich

 

Participants & Chefs mat Norees

Aller Lufthansa Vol LH712 

Départ Frankfurt 31.7. um 15:25, Arrivée Seoul 1.8. um 9 :45

Rdv 31.7. P&R Bouillon Luxembourg-Hollerich um 8:00

 

Retour Lufthansa Vol LH713 

Départ 18.8. um 12:20 Seoul, arrivée Frankfurt 18.8. um 18:30

Erwaarten Arrivée 18.8. um 22:30 P&R Bouillon Luxembourg-Hollerich

Wéi genau gesäit Hinrees aus?

Um 8.00 den 31.07.2023 ass den Depart um P&R Bouillon virgesinn. Haalt beim eraklammen an de Bus äre Pass an Dokumenter prett, dëss ginn nach emol iwwerpréift. ’Elteren sollen sech an d’Parkhaus parken an w.e.g net virun Busser, sou dass beim Départ alles ouni Problemer kann oflafen, ouni dass mir den öffentlechen Verkeier beaflossen.

3,5 Stonne geet et Richtung FRA – internationale Flughafen Frankfurt (DE), wou mir géint Mëtteg ukommen.

Um 15.25 bzw. 18.30 (jee nodeem ob Norees oder net) fléie mir mat Lufthansa oder Asiana Airlines Richtung internationale Flughafen Seoul-Incheon ICN. Dauer vum Vol: ongeféier 12-13 Stonnen (je no Wieder a Fluchroute)

Zu Seoul ukomm geet et duerch Passkontroll an op direktem Wee Richtung Transfer op d’Campingsplaz. Dauer vun der Busfaart: 3-4 Stonnen. (mat enger Paus, wou et Meiglechkeeten gin fir ze iessen an ze drenken).

Mir rechnen domat, dass mir alleguer am spéiden Nomëtten op der Campingsplaz sinn. Beim Ukomme geet eng Noriicht iwwer WA raus, sou dass jidderee weess dass mir d’Rees gutt iwwerstanen hunn.

Hunn mir wäerend der Rees Zäit fir anzekafen?

Wann mir bis zu Frankfurt duerch d’Passkontroll an um Gate sinn ass normalerweis genuch Sputt fir nach läscht Snacks anzekafen, op Toilette ze goen, äre Bidon opzefëllen etc. Mir recommandéieren awer, dass dir iech genuch fir d’Rees mathuelt – um Flughafen ass et nämlech entspriechend méi deier.

Wann mir zu Seoul ukommen, hunn awer keng Zäit fir no der Passkontroll nach anzekafen (Snacks, Simkaarten etc.) mir maachen eis op direktem Wee bei d’Busser fir op Campingsplaz. Falls dir also wëllt eng Simkaart mat Internet hunn, besteet ausschliisslech d’Méiglechkeet vun enger e-SiM déi een am Viraus um Internet keeft. Suen ophiewen an tausche kënnt dir direkt op der Campingsplaz.

Wou kréien ech Koreanesche Won hier a brauch ech eng VISA Kaart?

Déi läscht Informatiounen déi mir vun den Organisateuren hunn, ass dass ee kann mat der Kaart (Visa) um Camp bezuelen an och Suen (Won) ophiewe kann.
Kuckt hei w.e.g mat ärer Bank wat méiglech ass fir Participanten ënner 18 Joer, leider hänkt dëst vu Bank zu Bank of a mir hunn hei keng generell Infoen. Ee Beispill wou et gëtt ass eng Prepaid Kreditkaart unzefroen, oder wann dir Client bei der Spuerkeess sidd, kann ee mat der neier Axxess Visa Kaart och am Ausland bezuelen dir musst dat da bei ärer Bank fräischalte loossen.

Dir kënnt och Boergeld mathuelen (Euro oder Dollar) an déi dann op der Campingsplaz an Koreanesch Won ëmtauschen. (Nët zu Letzebuerg emtauschen well d’Frais’en immens heich sin)

Mir wëllen och nach emol drun erënneren, dat alles am Präis mat dran ass vun Iessen an Drénken, och fir d’Leit déi mat op Norees ginn. Participante an IST brauche just Täschegeld fir sech ee Souvenir oder ähnleches ze kafen.

An wéiengem Hub an ob wéinegem Souscamp schlofen eis Units genau op der Campingsplaz zu SaeManGeum?

All eis Units sinn sinn im Hub 1 verdeelt. Op dësem ginn et 5 Sous-Camps op déi eis Units verdeelt sinn.

Unit 1 (Sophie Weber): Souscamp 1 (Olymipa)
Unit 2 (Tom Nau): Souscamp 2 (Ermelunden)
Unit 3 (Marie Lippert): Souscamp 3 (Arrowe Park)
Unit 4 (Marion Petesch): Souscamp 4 (Gögöllö)
Unit 5 (Carlo Glod): Souscamp 5 (Vogelenzang)

Wat fir eng Infrastruktur gëtt et um Camp?
genuch Schied an Wasserstatiounen, Toiletten an Douchen JO
2-er Zelter fir Participants a Chef JO
Ennerdach an Kichen fir all Unit JO
Statiounen fir Handy’en opzelueden JO
WIFI JO
Shop mat Gadgets an food corner JO
Bankomat (Visa, Mastercard) an d’Méiglechkeet Suen ze tauschen JO

Mir wëllen drop hiweisen, dass och mir net wëssen wéi schnell de WIFI ass, op an den Douchen Ablagen fir Saachen sinn, wéi vill Handystatiounen et gëtt asw. Mir gesinn och d’Campingsplaz eréischt dee Moment wou mir alleguer ukommen.

Wat machen ech an engem Noutfall?

Participant, Chef (Korea):

Wend iech bei perséinlechen Problemer direkt un äre Unit Leader oder un de Chef vun ärem Vertrauen. Dësen trëtt mam CMT a Kontakt oder garantéiert den direkten Zougang zu medezinescher Hëllef. Wann dësen net an der Géigend ass an et urgent ass, kënnt dir iech un all Chef oder IST wenden, deen dir grad gesitt. Falls engem mannerjäregen Participant eppes Gréisseres geschitt, garantéiert den CMT dass zäitgerecht d’Elteren vun engem vun den HOC kontaktéiert ginn.

Nouttelefon:

+352 661 799 369 (Pit) an +352 691 225 555 (Paul/Tahr)

Dëst ass den Nouttelefon, geduecht fir en absolutten Noutfall.

Wat a wéini gëtt et ze iessen?

Et gëtt moies an owes op der Campingsplaz z’iessen. Fir Mëttes kritt dir Moies en Lunchpaket mat, den dir kënnt iessenwéini dir wëllt. Mir hunn alleguer Allergien an Regimen vun den Participants notéiert an esou weiderginn. Wann dir eng genau Confirmatioun wëllt wennt iech hei un äre Unitleader. Dësen huet Ufank Juli d’Iessen fir all Participant bestallt.

Wéini an wei kommen mir heem?

ouni Norees:

ganz fréi moies (à confirmer vum Organisator) geet et zu SaeManGeum mam organiséierten Transport op de Flughafen, wou mir géint 7.00 ukommen.

Um 9.40 geet et mam Vol OZ542 zréck Richtung Frankfurt FRA. Mat eise Busser komme mir um 20.30 nees um P&R Bouillon an der Stad un. An der Whatsapp Grupp gitt dir um Lafende gehalen, op mir a Verspéidung sinn oder eventuell souguer éischter rëm sinn.

mat Norees:

De Retour ass wei d’Hirees rëm iwwert den internationale Flughafen zu Seoul ICN, wou mir moies vun eisem leschten Hotel aus zu Suwon mat eisem organiséierten Transport hifueren. Dann geet et mam Vol LH713 um 12:20 zréck Richtung Frankfurt. Mat eise Busser komme mir um 22.30 nees um P&R Bouillon an der Stad un. An der Whatsapp Grupp gitt dir um Lafende gehalen, op mir a Verspéidung sinn oder eventuell souguer éischter rëm sinn.

Nach eng allgemeng Remarque zum Flughafen Seoul-Incheon: Nom ofgin vun ärem Bagguage get desen direkt hannert de Schalteren op gefeierlech Substanzen an Geigenstänn gescannt. Doweinst packt w.e.g äre Rucksack selwer , sou dass dir wesst wat dir wou dranhudd an nët direkt nom Check-in durch d’Secherheetskontroll goen, mee 10-15 Minutten waarden an hoffen dass ären Numm nët opgeruff get.

 

Wéi verleeft d'Norees a wou hale mir eis op?

Op des Froe gett et een Dokument mat all de Wichtegen Informatiounen zu der Noreess. Dest kann een ennert den Downloads fannen. https://wsj2023.sil.lu/downloads/

Nach Froen?

Profitéiert vun den Zäitraum wou dir är Gadgets an Géisserei siche kommt. Hei sinn ëmmer puer Léit aus dem CMT do déi gären op är Froen aginn an iech weider Informatioune ginn. Och är Unitleader si frou iech weiderzehëllefen

Gidd och gäre mol op den Site vun de Koreaner luussen: https://www.2023wsjkorea.org/index.jamboree Hei fannt dir Infos zum Programm, Klinike, Iessen a vill méi!

Och op eisem Site fannt dir weiderhin all wichteg Infos: https://wsj2023.sil.lu

Emailen

Wat ass wann ech d‘Email mat den Newsletter net kréien?

An eisem Mailverdeeler sinn alleguer d‘Email Adressen déi Participant, Chef an IST bei der Umeldung uginn hunn. Wann dir d‘Emaile mat den Newsletter an de wichtegen Informatiounen ob eng aner E-mail Adress wëllt (zB. Elteren) da biede mir iech eng E-mail un cmt@wsj2023.sil.lu ze maachen, wou dir déi gewënschten E-mail Adress ugitt a kuerz frot ob dir an de Mailverdeeler kënnt dobäi gesat ginn.
Leider kënne mir E-mailen net un Adresse schécken, déi net bei der Umeldung uginn goufen an soumat net an eisem Verdeeler sinn.

Wéi kann et sinn, dass ech d’ Newsletter fir Norees net krut? Wat heescht dat elo?

Leider ass et esou, dass mir elo schonn puermol gesot kruten, dass een Problem war mat der Zoustellung vun den E-mailen. Et ass schwéier fir eis Differenz ze maachen ob d’Email wierklech ni ukomm ass, oder ob et am Spam ni gesinn an dann no enger Zäit automatesch geläscht gouf. Mir schaffen drun do eventuell kënnen ze differenzéieren an rauszefannen ob tatsächlech een gréisseren Problem besteet.

Wat mir soen kënnen ass, dass mir zu all Moment opgepasst hunn, ob eise Mailverdeeler eis Feelermeldungen gëtt. War dëst den Fall, goufen déi Betraffen vun eisen privaten E-mail Adressen kontaktéiert oder ugeruff. Et gesäit deemno fir eis esou aus, wei wann all Newsletter bei jidderengem ukomm wär.

Wat mir kënnen proposéieren ass, dass dir eng 2. Email Adress ugitt un déi all Informatiounen zousätzlech nach emol geschéckt ginn. Kuckt och onbedéngt ëmmer äre Spam Ordner. Falls dir ob Instagram a Facebook aktiv sidd, abonéiert eis Säiten. Hei posten mir all Kéier wann eng néi Newsletter oder een Rappell verschéckt gëtt.

Et deet eis Leed, dass dir aus iergendengem Grond eng Informatioun verpasst hutt, an iech elo villäicht net méi déi Méiglechkeeten opstinn, déi dir iech erwaart hätt.

Noreess

Wat maachen mir op der Norees?

D`Norees dauert eng Woch an ass eng Kombinatioun aus schéine Landschaften a Stied, Sightseeing, koreanescher Kultur a lokalem Iessen.
Geschlof gëtt a Jugendherbergen oder Hoteler, jee no Disponibilitéit.
Eis Preparatioune fir d`Norees lafen nach an Detailer kommen no.

Wéi gëtt decidéiert, wien eng Platz op der Norees kritt?

JIDDEREEN deen sech innerhalb vun der festgeluechter Deadline (15.6-1.7.22) fir Norees ugemellt huet kritt eng sécher Platz.

Bei all deenen Participant, Chef an IST wou sech no eisem Rappell réischt ugemellt hunn gëllt FIRST COME – FIRST SERVED. Heibäi berécksiichtegen mir awer och wien am Dezember 2021 Virumeldung gemaach huet. Soubal hei eng kloer Auswäertung gemaach gouf, kréien déi betraffen Léit dëst matgedeelt.

Umeldung

Wat ass wann ech mech net provisoresch ugemellt hunn?

Wann s du d’provisoresch Umeldung verpasst hues, ass dat kee Problem. Du kanns dech normal hei um Site umellen.

Wéini ass den 1. Acompte ze bezuelen an domat meng Umeldung definitiv?

Nom 15. Mäerz, also ab dem Moment wann Umeldungen zou sinn, schécke mir d‘Rechnunge raus. Dëst virum 1. Abrëll, wou dann och den 1. Acompte fälleg ass. Wéi an der Newsletter 2 ginn des un d‘Gruppechef oder un individuell Persoune geschéckt, jee nodeem wei vill Léit aus dem Grupp sech ugemellt hunn.
Och mir wësse réischt nom 15. Mäerz wéi vill Leit pro Grupp ugemellt sinn an ob dir d‘Rechnung perséinlech oder iwwert de Gruppechef kritt.
Den Acompte ass awer, wéi an der 2. Newsletter geschriwwen, fir den 1.4 ze bezuelen (an net den 1.3). An der franséischer Versioun vum Newsletter ass heibäi en Feeler geschitt.

Ech hu verpasst mech fir den Jamboree unzemellen! Wat maachen ech elo?

Leider ass et ze spéit fir sech nach fir den Jamboree unzemellen, well all eis Platze scho besat sinn. Mir féieren awer eng Waardelëscht. Falls nach een ofseet, an et nach organisatoresch méiglech ass, ka vun do nach een noréckelen. Mir kennen awer bäi dëser Lëscht net garantéieren, dass an ob een noréckele kann. Wann s du trotzdeem dorun interesséiert bass da kontaktéiert eis op cmt@wsj2023.sil.lu

Präis

De Präis vum Jamboree ass ze deier. Wou hier kennt dëse Präis?

De Präis vun engem internationale Camp feiert ëmmer zu villen Diskussioune bei de Leit an och intern am Staff.

Zum Zäitpunkt wie mir de Präis festgeluecht hunn stoung just 1 Präis fest an fir de Recht hu mir Unnahme missen huelen.
Ons Permise ass et och de Präis léiwer ze héich usetze wéi ze déif.
Nom Jamboree ass et méi einfach de Leit Suen zeréck ze gi wie Suen nofroen se goen.

D’Basis vun onsen Iwwerleeunge waren di läscht Jamboree’en (USA a Japan).

Wat mir dir lo schonns ka soen dass ass dass mir déi 4.000€ net wäerte froen an dass mir wäerte Suen aspueren.

Just nach 2 Erklärunge fir di 500€ Prepaweekend, Gadget a Material respektiv 1.250€ Norees: Di aktuell sanitär Kris (mir wëlle lo dem Virus net Schold ginn) bréngt ons bestëmmt nach e puer Inconnu’en op di mir net virbereet sinn, mee wou mir hoffen dass se net wäerten antrieden. Zu Norees kucke mir et sou bëlleg wie méiglech ze maachen mee halen ons fir de Moment awer gären all Fräiheeten op. Den Transport ass aktuell schwéier anzeschätzen. Zousätzlech huet och d’Unzuel vun de Leit e groussen Afloss op de Präis. Wat mir zu sinn, wat de Präis fir eng Norees oder Material fir de Camp erofgeet.

Rembours-ementer

Wat geschitt wann ech mech selwer vum Camp ofmellen?

Am Fall vun enger perséinlecher Ofmeldung fir de Camp, kritt dir, mat Ausnam vum 1. Acompte, är iwwerwise Suen zeréck. D‘Remboursementer gi réischt nom Jamboree a jee no finanzieller Lag erleedegt. Dowéinst hutt w.e.g e bësse Gedold.

Wat geschitt wann de Camp awer ofgesot gëtt?

An dem Fall wou de WSJ vun der koreanescher Regierung ofgesot gëtt, ginn Käschten zum gréissten Deel rembourséiert (mat Ausnam vum 1. Acompte). D’Remboursementer ginn och réischt getätegt wann mir d’Suen ganz vum Organisateur zeréck hunn. Dowéinst hutt w.e.g e bësse Gedold.

Corona

Kann de Camp an der Pandemie statt fannen?

Mir hoffen all dat bis 2023 Corona Situatioun sech verbessert huet, mee trotzdeem hunn d‘Organisateure vum Jamboree ee sanitäert Konzept ausgeschafft. Ënner anerem wäert all Participant, Chef an IST säin eegent Zelt kréien. Duerfir soen si selwer den Jamboree net of, et kann awer sinn dass déi südkoreanesch Regierung de Camp ofseet.